Portada > Actualidad > A Xunta adxudica as obras de ampliación na travesía de Vilarrodís

A Xunta adxudica as obras de ampliación na travesía de Vilarrodís

A Xunta vén de adxudicar as obras de ampliación da calzada nun tramo da travesía de Vilarrodís, á altura do polígono de Sabón, no Concello de Arteixo, por un investimento de preto de 885.000 euros.

Estes traballos serán levados a cabo pola empresa Arias Infraestruturas S.A e contan cun prazo de execución duns 6 meses.

A actuación ten por obxecto a ampliación da calzada na estrada autonómica AC-552, no treito entre os puntos quilométricos 9+000 e 9+650, situado á altura do Polígono de Sabón.

A actuación iniciase no punto quilométrico 8+850, antes da intersección coa rúa Teresa de Calcuta, e finaliza no 9+760, na intersección coa rúa Reconquista, antes da glorieta coa Avenida da Ponte. Os traballos consistirán na ampliación da plataforma da vía pola súa marxe dereita para dotar á estrada en sentido Fisterra dun segundo carril mais a correspondente beiravía ou zona de aparcamento.

Para mellorar a seguridade viaria e a fluidez do tráfico na intersección coa travesía da Groufa proxéctase nese cruce unha glorieta que terá un diámetro exterior 36 m.

A obra compleméntase coa instalación dos elementos necesarios para garantir a drenaxe axeitada, de muros para contención de terras e reducir a ocupación nas parcelas colindantes e co traslado e acondicionamento das dúas paradas de bus existentes, executando unha beirarrúa desde os puntos nos que se sitúan ata os pasos de peóns máis próximos. Esta nova actuación enmárcase dentro das actuacións do Goberno galego a prol da mellora da seguridade viaria, que redundan na mellora da calidade de vida da cidadanía.

Deja un comentario

Tu dirección de correo electrónico no será publicada. Los campos obligatorios están marcados con *